Barayons mwaramutse,

Mwihanganire kunganya na Mukeba. Gusa icyo mwakwishimira ni uko APR yatashye yishimye nk’aho yatsinze. Namwe murumva uburyo badutinya niba basigaye bishimira kunganya natwe kimwe n’uko bijya biba ku Magaju na twa dukipe tundi duto.

Abatarahageze, reka mbibwirire muri make uko byari byifashe.

Ikipe yakinnye:
Mu izamu: Faisal
Defense: 2. Mambo, 3. Kibaya, 4. Lomami, 5. Kawuma (C)
Mediane: 6. Bonfils (Byansi), 7. Jamar, 8. Kanombe, 11. Sina
Attaque: 9. Peter Kagabo, 10. Kabishi (Papy)

Match yatangiye ishyushye cyane. Stade yari yakubise yuzuye. Rayon yarasatiriye ku buryo ku munota wa 5 yari ibonye coup franc maze Kanombe na Sina bayitera neza, Bakame ahindukira bwa mbere gukura umupira mu rushundura.

Ntibyatinze ku munota wa 15 Kanombe acenga abo hagati maze mu ruvunganzoka yongera kohereza Bakame gutarura umupira mu rushundura.

Nibwo ku munota nk’uwa 25 twongeye kubona coup franc nka ya yindi ariko Kanombe akora agakosa ko guha Sina muremure awutera nabi.

Igice cya mbere cyarangiye gityo, abarayons baririmba MURERA.

Mu gice cya kabiri APR yahinduye umukino. Ikina uwo mu kirere maze Kabange ava kuri 7 yinjirira kuri 11 ari naho ibitego byabo bibira byaturukaga. Uruhande rwa JAMAR na Mambo bararushoboye. Ibitego bibiri tubyishyurwa n’uwaduhozemo Bokota Labama.

Umupira ni uko warangiye, tuba turayagabanye. Nguko uko phase aller irangiye turi ku mwanya wa gatatu nyuma ya APR na Etincelles ziturusha amanota 3 natwe tukanganya na ATRACO turusha ibitego.

Ibyo nashimye:

1. Abana bagaragaje ubwitange budasanzwe
2. Byagaragaye ko bakoze entrainement zihagije zo gutera coup francs
3. Abafana bakoze akazi kabo cyane cyane muri 17
4. Ikipe yabaye ikipe koko. Ubu umupira uva inyuma ukagera imbere. Mbese za coup francs, corner, gusirisimba imbere y’izamu bisigaye ari ibintu byacu

Ibyo nanenze :

1. Issa Kagabo (arbitre), match yaramurenze. Niba ataritinyiye. Yasifuye penalty bagushije Peter imbere y’izamu ahita yisubiraho. Naho ubundi insinzi y’ejo yari iyacu rwose
2. N’ubwo bitandeba cyane, nagaye indiscipline y’abakinnyi ba APR basimbuzwaga bakanga kuvamo. Cedric ndetse na Kapeti bagaragaje indiscipline idasanzwe. Nta kundi ni bya bindi by’abacanshuro nyine.
3. Hari abantu bameze n’abaCROI-ROUGE (ariko si bo), bagaragaye mu gice cya kabiri. Umukinnyi yapfaga kugwa ugasanga bageze mu kibuga kumushyira ku gatanda kandi arbitre atabahamagaye. Ni yo mpamvu mvuga ko Kagabo Issaa yitinyiye. Kuko yahitaga abareka bagaterura.

Icyo nakwisabira komite :
1. Dukeneye undi mwattaquant utyaye nka Kagabo.
2. Dukeneye n’undi mudefenseri utyaye nka Kawuma .
Abo bakinnyi babiri baba baduhagije muri retour. Icya championnat n’icy’amahoro mwabona tubyibitseho byombi.

Muragahorana GIKUNDIRO.